25-27 ноябрьыште Марий Элыште «Ший памаш» финн-угор эстраде муро фестиваль-конкурс эртаралтын.
Сеҥыше-влакым икмыняр номинацийыште ойыреныт.
Эн тале, эн уста семын Волжский район гыч «Элегия» ансамбль (вуйлатыше – Н.Кузьмина) палемдалтын, ты ансамбль фестивальын Гран-прижым сулен налын.
16-35 ияш солист-влак коклаште
II степенян диплом – Аделина Батаева (Йошкар-Ола) ден Лариса Еменгулова (Шернур район);
III степенян диплом – Руслан Капитонов (Курыкмарий район) ден Ольга Николаева (Пошкырт кундем Янаул ола).
35 ий деч кугурак солист-влак коклаште
I степенян лауреат – Надежда Васканова (Волжский район);
II степенян лауреат – Валерий Петров (Морко район) ден Павел Красильников (Одо кундем, Алнаш район);
III степенян диплом – Сергей Зайнитдинов (Пошкырт кундем Краснокам район).
Мурышо ансамбль-влак коклаште
I степенян лауреат – «Май» ансамбль (Килемар район, вуйлатыше – А.Новоселова);
III степенян лауреат-влак – «Ошла сем» (Оршанке район, вуйлатыше – Э.Попова) да «Зоринча» (Одо кундем Шаркан район, вуйлатыше – Ж.Ермолаева) ансамбль-влак.
Фестивальыште тыгак мутым да семым возышо автор-влакым палемденыт. Семмастар коклаште лауреат лӱмым Влад Николаев, Валерий Петров, Жаудат Гильманов налыныт, а мутым возышо-влак коклаште ты лӱм дене Светлана Григорьева, Юрий Исаков, Татьяна Пчелкина да Алевтина Полатова палемдалтыныт.
