4 ноябрьыште Москошто ВДНХ-ште «Россия» тӱнямбал выставке-форум почылтын.
Тиде 2023 ийын кугу событийже. Выставке-форум Российын тӱҥ сеҥымашлаж дене палдара, а рашрак каласаш гын, тыште 89 кундемын сеҥымашыжым, сӧрал вершӧржым да ойыртемжым ончыктымо.
Марий Эл Республикын стендшат калыкым шкеж деке ӱжеш. Ты кечын ончерыште республикысе Правительстве Председательын икымше алмаштышыже М.Васютин лийын да шке шонымашыжым ойлен:
– Экспозицийыште марий тӱвыран символжо – сылнештарыше ший аршаш – нерген еҥ-влак утларак йодыштыт. Интерактивный стендыште кумылан-влак ты аршашым оҥышкышт сакалтен ончен кертыт. Тыгак кӱслезе-влакын ансамбльыштын ончерышт уна-влаклан келша. Марий тувыран ӱдыр-влак марий да руш композитор-влакын сылне семыштым шоктат. Уна-шамыч стенд воктене кужу жап лиедат, семым колыштыт, артист-влак дене сниматлалтыт.
УМБАКЫЖЕ — 10 ноябрьысе газетыште лудса.