8 июльышто 15 шагатлан Национальный художественный галерейыште «Тихая моя родина…» ончер почылтын. Тудо Шернур районлан 100 ий теммылан пӧлеклалтын.
Выставкыш кидмастар Л.В.Веткинан, сӱретче-влак Владимир ден Александр Ивановмытын еш коллекцийыштым, изосымыктыш тоштерын фондшо гыч налме экспонат-влакым чумырымо. Тушто декоративно-прикладной сымыктыш арвер-влак, живопись ден графике произведений-влак ончыкталтыт.
Ты проектым Марий Эл Республикысе тӱвыра, печать да калык-влакын пашашт шотышто министерствын полшымыж дене ыштыме.