Кодшо кечылаште Марий Эл гыч кокымшо тӱшка Анапыш нефть дене амыргыше Шем теҥызым эрыкташ каен.
Ты гана экологий акцийыш «Единый Россий» партийын волонтёржо-влак ушненыт. Нуно теҥыз серым кок арня эрыкташ тӱҥалыт. Вет нефтепродукт кодшо ийын 15 декабрьыште лийше туткар годым Анапа районысо 55 километр кужытыш логалын.
Фотом Марий Элым Вуйлатышын Телеграм каналже гыч налме.