Йошкар-Олаште илыше 23 ияш пӧръеҥын 15 тӱжем наре теҥгеаш велосипедшым шолыштыныт – пӧрт подъездше гыч 1-ше пачаш гыч луктын наҥгаеныт. Йошкар-Олаштак илыше 32 ияш ӱдырамашын тынарак акан велосипедшым пӧртысӧ 5-ше пачаш гыч тошкалтыш воктенысе площадке гыч шолыштыныт.
Полиций пашаеҥ-влак осал пашам ыштен кертше еҥым кученыт. Медведево районышто илыше 37 ияш пӧръеҥ тылеч ончычат судитлыме лийын, палдара Марий Элысе МВД.