Марий Элыште пытартыш арняште 95 еҥлан пудий пызен.
Тыгай эҥгекыш Йошкар-Олаште, Волжск, Курыкмарий, Звенигово, Килемар, Кужэҥер, Марий Турек, Медведево, Морко, У Торъял, Оршанке, Шернур да Советский районлаште логалыныт.
Ты тургым тӱҥалтыш гыч пудий пызымылан кӧра 167 еҥ медполышым йодын миен. Тушеч 49 еҥже – 14 ияш марте икшыве-влак.
Роспотребнадзорын Марий Элысе управленийжын палемдымыж почеш, тений пудий инфекций дене иктат черланен огыл.