Марий Эл Республик Запорожский областьысе Куйбышевский районлан социальный, тӱвыра объектлам да моло инфраструктурым шеф семын уэмдаш ынде ик идалык полша.
Кодшо кечылаште Марий Элым Вуйлатыше Ю.Зайцевын кӱштымыж почеш тушко Марий Эл Правительстве Председательын алмаштышыже Евгений Кузьмин миен толын. Тудо Куйбышево посёлкысо молодёжный рӱдерыште лийын. Марий Эл Республикысе Молодёжный политике комитетын полшымыж дене тышан кӱлешан мебель ден техникым вераҥдыме.
Ты гана мийымыж годым Е.Кузьмин Куйбышевский муниципальный округысо администрацийлан ямдылыме зданийым ончен лектын, верысе депутат-влак дене вашлийын мутланен.
Тыгак тудо Тӱвыра министерствынан Йошкар-Оласе да Марий епархий, храмын Православный приходшо полшымо дене чумырымо книгам черкылан наҥгаен. Телым черкыште отоплений котёл укелан кӧра службо эртаралтын огыл. Тушан у котёлым Марий Элым Вуйлатыше Ю.Зайцевын кӱштымыж почеш йӱштӧ толмешке вераҥдышаш улыт.
Тыгак Волгатехысе выездной приёмный комиссийын еҥже-влак дене вашлиймаш эртаралтын. Тушто выпускник-влакым ПГТУ-ш тунемаш пураш кумылаҥденыт.