10 июньышто Йошкар-Оласе Самырык-влакын полатыштышт «Памяти предков великих будем достойны» проектын мероприятийже-влакым мучашленыт.
Палемдыман, патриотизм шӱлышан проект Кугу Ачамланде сарыште сеҥымылан 80 ий теммылан пӧлеклалтын. Тушко ушнышо участник-влак «Авангард» рӱдерын военно-спортивный модмашыштыже вийыштым тергеныт. Нуно медицине да инженер сомыллан ямде улмыштым, гранатым кышкен моштымашыштым, экстремальный условийыште илен кертмыштым тергеныт. Икымше вер дене Йошкар-Оласе строительный техникумын командыже палемдалтын. Кокымшо – Медицине колледж, кумшо – Кугыжаныш да муниципальный службын колледжше.
«Молодёжь Марий Эл» тӱшка гыч налме фото.