19 октябрьыште Йошкар-Оласе Бауман лицейыште СВО-што порысым шуктышыла вуйым пыштыше М.Ф.Дмитриев ден А.А.Панфиловлан шарнымаш оҥам почмо.
Тидыже выпускник-влак нерген поро шарнымаш нерген ойла. Михаил Фёдорович ден Анатолий Анатольевич Патырлык орденын кавалерже улыт. Михаилын Татьяна пелашыже каласен: «Оҥам почмо кечын – военослужащийын аважын шочмо кечыже. Лач авалан кӧра Шочмо элым чын аралыше-влак кушкыт».
Лицейын директоржо Г.Е.Пейсахович рвезе-влакым сайын пален, Михаилым туныктен. «Ты сомыл волгыдо ончыкылыкна верч колымаш арам огыл манын пеҥгыдемдаш полша», – каласен Григорий Ефимович.