«Так случилось, мужчины ушли» – Моско воктене контрнаступленийын идалыкшылан шарнымаш да ӱшан муро
#МУЗЫКАВМЕСТЕ проект «Кугу Элын мурыжо-влак. Юл кундем гыч йӧратен» кугу серийыште у клипым ончыкта. Ты гана проект Владимир Высоцкийын «Так случилось, мужчины ушли» мурыжлан войзымо клипым ямдылен. Премьер таче, 5 декабрьыште, лийын – 1941 ийыште Моско воктене совет войска-влакын контрнаступлений тӱҥалмыштлан 84 ий темме годым. Тиде Кугу Ачамланде сарын пӱтынь корныжым вашталтыше кредалмаш.
«Кугу Элын мурыжо-влак. Юл кундем гыч йӧратен» – тиде Юл кундем федерал округын 14 регионыштыжо войзымо шым сем историй. Кажне эпизод – пуйто эпохо-шамычын диалогышт, кушто шукертсек палыме сем-влак кызытсе йоҥгыдылыкым налыт. Клипым войзымаште Юл кундем федеральный округын 14 регионыштыжо илыше-влак – палыме артист-влакат, тӱҥалше-шамычат – участвоватленыт.
Нунын коклаште Э.Сапаев лӱмеш Марий Кугыжаныш академический опер да балет театрын концертмейстерже, органист Антонина Воронина:
– Тимур Ведерниковын да #МУЗЫКАВМЕСТЕ проектын командыжын вуйлатыме муро-влакым возымашке куанен ушненам. Мылам тыгай проектыш ушнымо икымше опыт лийын, да тӱҥалтыште мый дечем мом йодаш тӱҥалыт да кузе съемко эрта – пален омыл. Туге гынат процесс моткоч оҥай, усталык да импровизаций сынан улмаш. Тимур кадрыште поро кумылан, сай атмосферым ышта, тудын дене пашам ышташ пеш куштылго. Проектын клипше-влак мотор, волгыдо, кумылаҥдыше улыт, кок мурым возымашке ушнымемлан моткоч куаненам.
Ондак #МУЗЫКАВМЕСТЕ проект серийын вич видеоклипшым ончыктеныт ыле: «Течет река Волга», «Гляжу в озера синие», «Как молоды мы были», «Вместе весело шагать» да «Наш сосед». Ончычсо клип-влак семынак «Так случилось, мужчины ушли» #МУЗЫКАВМЕСТЕ проектын лаштыклаштыже, тидын шотыштак ВКонтакте официальный тӱшкаште да полномочный представительын сайтыштыже pfo.gov.ru/ ужаш лиеш, тыгак трансляций регионысо телевизионный каналлаште эрта.
Тиде кугу проект Тӱвыра инициативын президент фондын, ПФО-што Россий Федераций президентын полномочный представительын аппаратшын да «ДНК России» проектын полшымышт дене илышыш шыҥдаралтын.