Районлаште патриотизм шӱлышан мероприятий-влак эртаралтыт, тушко специальный военный операцийын ветеранже-шамыч да нунын ешышт ушнат, увертарат «Защитники Отечества» фондын республикысе филиалыштыже.
Мутлан, У Торъял да Параньга районлаште Сергей Пирогов ден Роман Ларионовын (СВО-што коленыт) аваштлан Патырлык орденым кучыктеныт.
Шернур районысо Лажъял школышто СВО-н ветеранже-влак Евгений Таникеев ден Игорь Иванов Патырлык урок-влакым эртареныт. Евгений Геннадьевич ӱдыр-рвезе-шамычлан Донецк Калык Республикыште верланыше «Саур-Могила» мемориал комплекс нерген видеом ончыктен. А Игорь Эрикович шке возымо мурыжо-влакым мурен.
Параньга да Шернур районлаште военнослужащий-шамычлан полшышо порылыкым ончыктымо концерт-влакым эртарат.
Волжск олаште самырык-шамыч коклаште Алексей Филипповым (2023 ий 25 майыште колен) шарныме лӱмеш «Богатырские игрища» да «А ну-ка, девушки» таҥасымаш-влак лийыныт.
Морко районышто Денис Крыловым (2022 ий 10 мартыште колен) шарныме лӱмеш юнармий модмаш-влакым эртареныт.
«Защитники Отечества» фондын Марий Элысе филиалжын архивше гыч налме фото.