Марий Эл Республикым «Инженеры Победы» тӱнямбал проектын дипломжо дене суапландреныт. Тидыже кундемнан Кугу Ачамланде сар годым да тудын деч вара элым шотыш кондаш полшымаште тыршыше изобретатель, конструктор, тылын труженникше-шамычын шуктымо подвигыштым шарнымышт нерген ойла.
Тений шошым республикнан рӱдолаштыже проектын регионысо этапыштыже кундемысе предприятий-шамычын подвигышт нерген палдарыме, тылыште тыршыше-шамычын сеҥымашым лишемдаш полшымышт нерген каласкалыме. Тидлан Марий-машинострительный (ММЗ) да Полупроводниковый прибор-влак завод (ЗПП), Йошкар-Оласе Историй тоштер да Марий Элысе Кугыжаныш архив сайын полшеныт.