1943 ий 2 февральыште совет войска Сталинградым сеҥен налаш шонышо фашист-влакым кырен шалатен.
1942 ий 17 июль гыч тÿҥалын, Сталинград фронтышто шучко кредалмаш каен. 23 августышто тушманын танкше-влак ола воктеке лишемыныт, авиаций бомбым кышкаш тÿҥалын.
Шочмо олам аралаш манын, 75 тÿжем еҥ фронтыш шке кумылын каен. Сентябрь кыдалне немыч армий ола рÿдö марте пурен кертын.
Сталинград кредалмаште 2 миллион наре еҥын ÿмыржö кÿрылтын.