1943 ий 12 июльышто Белгородский областьысе Прохоровка посёлко воктенысе кумдыкышто совет да немыч войска-влак коклаште танк дене кугу сӧй тӱҥалын. Тудо Великий Отечественный сарын историйыштыже эн кугу танковый кредалмаш семын палемдалтын. Кредалмаш Курск кундемын кечывалвел могырыштыжо каен. Тушто ны руш, ны немыч-шамыч шонымашкышт шуын огытыл. Тушман Прохоровка посёлкым налын, совет войска-влакын обороныштым кӱрлаш да шкалан келшыше позицийым налаш шонен. Мемнан-шамыч фашистын кокымшо танковый корпусшын позицийжым шалатен пытарен огытыл.