1945 ий 2 майыште Йошкар Армийын салтакше-влак Берлиным тичмашнек налыныт. Германийын рӱдолажым авалтыме операций 16 апрель гыч 8 май марте шуйнен. Вет тыште тушманын эн кугу военно-промышленный рӱдыжӧ лийын, садлан оборонылан чот сайын ямдылалтыныт. Кредалмаш-влак йӱдшӧ-кечыже каеныт. Мемнан салтак-шамыч рейхым налаш кажне уремым, пӧртым штурм дене сеҥеныт.
5 майлан Берлиным налме шотышто кредалмаш-влак чарненыт. 9 майыште йӱдым Германийын капитуляцийже шотышто актым подписатленыт. Ты операцийыште совет войска-влак сарын историйыштыже тушманын эн кугу войскаже-шамычым пытареныт. Нуно фашистын 70 пехотный, 23 танковый да механизированный дивизийжым шалатеныт, пленыш 480 тӱжем еҥым налыныт. Йошкар Армий 78291 салтакым йомдарен, 274184 еҥ сусырген.
А.Емельяновын архивше гыч налме фото.