1812 ий 8 сентябрьыште Моско деч 125 меҥге тораште улшо Бородино села воктен кугу кредалмаш лийын. Тушто генерал-фельдмаршал М.И.Кутузовын вуйлатымыж почеш руш салтак-влак Наполеон I Бонапартын войскаже ваштареш пеҥгыдын шогеныт. Француз ден руш-влакын вийышт иктӧр лийын. Кредалмаш 12 шагат наре шуйнен. Но ик могыржат шке шонымашышкыже шуын огыл. Туге гынат тиде кредалмаш руш армийлан ончыкылык сеҥымашым лишемдаш вийым пуэн.
1790 ий 11 сентябрьыште Шем теҥыз пелен Тендра мысыште руш эскадр контр-адмирал Ф.Ф.Ушаковын вуйлатымыж почеш турко флотым атаковатлаш пижын. 1,5 шагат гыч турко-шамычын вийышт пыштен, руш эскадр сеҥен.