- 1572 ий 2 августышто руш войска князь-влак Михаил Воротынский ден Дмитрий Хвороститнын вуйлатымышт почеш Крым ханын войскажым кырен шалатен. Ты кредалмаш Моско деч 50 меҥге кечывалвелкыла Молоди села воктене лийын.
Тушманын армийже кок пачаш кугурак (40 тӱжем наре еҥ) лийын гынат, руш войска тудым кырен шалатен. Российын историйыштыже Молоди воктенысе кредалмашым Куликово але моло тыгаяк кугу кредалмаш дене таҥастарат. Тушто сеҥалтмеке, Крым ханстве вийжым йомдарен.
- 1915 ий 6 августышто Осовец орым (Польшышто Бобры эҥер воктене верланен) аралыше-влак (немыч-влак нунын ваштареш аяран газым кучылтыныт) контратакыш тарванен кертыныт. Тиде Икымше тӱнямбал сар годым лийын. Руш салтак-влакын патырлыкыштлан да пеҥгыдылыкыштлан ӧрын, тушман чакнен. Историйыште тиде эпизод «колышо-влакын атакышт» семын палыме.