Тиде национальный парк Охотский теҥызын эрвел ужашыштыже, Хабаровск крайыште, верланен. Тудын чумыр кумдыкшо – 5155 кв.км.
Ты вер тораште, пураш лийдыме верыште верланен. Тушко логалаш куштылго огыл, вертолет дене чоҥешташ кӱлеш. Ты верыште – ир пӱртӱс.
Шантарский отро-влак воктенысе вӱдыштӧ кит-влак ятырын улыт, серыш лӱдде лектын возыт. Тушто нуным лишне ужаш лиеш. Китлан кӧра шуко турист тушко кая. Малый Шантар отрошто тюлень-влак илат, архипелагыште 11 тӱрлӧ теҥыз кайык чоҥештылеш. Кайык-влакын чотышт я шукемыт, я шагалемыт. Утичий да Птичий отролаште шукын пыжашым оптат: 7000, 3000 мужыр наре.
Кугу Шантар отрошто метеостанций уло, архипелагыште тушто гына еҥ-влак илат. Ты кундемыште утларакшым алует калык уло: 700 наре еҥ.
