Марий Элым Вуйлатыше Юрий Зайцев республикыштына XIV науко фестивальым почмаште лийын. Мероприятий Поволжский кугыжаныш университетыште эртен.
«Марий Элын наукым вияҥдаш йӧнжӧ шуко. Мемнан шанчыеҥна-влакын шымлымашышт информационный, телекоммуникационный, радиоэлектронный да энергийым аныклыше системым да технологийым, энергетикым, машиностроенийым, биотехнологийым, пӱртӱс дене пайдаланыме аланым авалтат. Кугыжаныш научный да инвестиционный фонд-влакын полшымыштлан кӧра шанчыеҥ-влак, тӱням сайракым, йӧнанракым, лӱдыкшыдымыракым ышташ манын, тӱрлӧ разработкым эртарат», – палемден Ю.Зайцев, фестивальыш ушнышо-влаклан у шинчымашым тыланен да награде-влакым кучыктен.
Тыгак Марий Элым Вуйлатыше самырык учёный-влакын, студенческий научный сообществын советыштын еҥышт да Марий Элым Вуйлатышын стипендий ден грантшым налше-влак дене вашлийын.
Марий Элым Вуйтатышын пресс-службыжын материалже почеш ямдылыме.