19 ноябрьыште Оршанке, Советский, У Торъял, Медведево районласе, Йошкар-Оласе школлаште тунемше-влаклан шанче шуматкечым эртарыме.
Йоча-влак МарГУ-шко да МОСИ-шке миен коштыныт. Кугурак класслаште тунемше-влаклан «Йошкар-Ола – красный город» интерактивный лекцийым лудыныт, мастер-класс-влакым эртареныт, уголовный права дене деловой модыш-влакым ямдыленыт. Йошкар-Оласе 4-ше №-ан гимназийыште изирак класслаште тунемше-влак лего дене юзо вакшым, фетр дене брошьым ыштеныт.
Варажым тунемше-влак Йошкар-Оласе строительный техникумыш да Бауман лицейысе «Кванториум» технопаркыш миеныт.
Вес тыгай шанче шуматкече 17 декабрьыште лиеш. Тушко Килемар, Марий Турек, Кужэҥер районласе школла ден Политехнический лицей-интернат ушнат.