9 апрельыште Озаҥысе тӱвыра институтышто «ЭТНОМИРИАДА» тӱвыра да калык хужожественный усталык паша дене кылдалтше IX тӱнямбал конкурс-фестивальын кокымшо туржо, гала-концертше лийын. Тушто сеҥыше-влакым палемдыме.
Икымше тур онлайн эртен. Тушко Российын тӱрлӧ регионжо гыч 198 утла фольклор, этнический модо дене кылдалтше 4, фольклор куштымаш дене 46 коллектив, семӱзгар дене шоктышо 39 ансамбль, калык мурым мурышо 204 солистке ушненыт. Участник-влак Кыргызстан, Грузий, Таджикистан, Китай, Чили гычат лийыныт. Тушто кокымшо турышко колташ эн сай коллектив-влакым ойырен налме.
Кокымшо турышто Юл кундем федеральный округысо чыла республик гыч 19 фольклор, этнический модо дене 1, фольклор куштымаш дене кылдалтше 18 коллектив-влак, традиционный музыкальный семӱзгар дене шоктышо 4 ансамбль, калык мурым мурышо 59 солистке таҥасеныт.
Тушко Курыкмарий кундемысе «Шанавӹл» калык фольклор ансамбль, тудын аккомпаниаторжо, тале гармоньчо, Россий тӱвыран сулло пашаеҥже Арсений Яйцов миен коштыныт. «Фольклор ансамбль номинацийыште икымше степенян дипломым налыныт.