Шабдар Осып лӱмеш пайрем

23 мартыште Шернур районышто Шабдар Осыпын (1898-1937) шочмыжлан 125 ий темме лӱмеш мероприятий эртаралтын.

Эн ончыч еҥ-влак Изи Лужалу ялыште писательын пӧрт олмышто вераҥдыме кӱ воктене погыненыт. Тудын воктеке Шернур район вуйлатыше С.Л.Адиганов, тӱвыра пӧлкам вуйлатыше И.Л.Казанцева да Чылдемыр ял шотан илемым вуйлатыше А.А.Милютина пеледышым пыштеныт.

 

 

 

 

 

 

 

 

 

 

 

 

 

 

Варажым мероприятий Шабдар Осыпын лӱмжым нумалше Мустай школышто лийын. Эн ончыч тунемше-влак «Кориш» повесть гыч сценкым модын ончыктеныт. Варажым нуно марий литературын классикшын илыш да усталык корныжо-влакым сценыш лектын радамлен пуэныт. Мероприятийлан ямым школ туныктышо-влакын «Шымавий» ансамбльышт ден Чылдемыр гыч «Олык марий» ансамбль пуртеныт.