Кыдалаш профессионал шинчымашым налше-влак коклаште уш таҥасымаш дене «Шӧртньӧ тумна-2023» открытый чемпионат МОСИ-ште лийын. Тудо Науко ден технологийын лу ияш планже почеш эртаралтын.
Таҥасымашыште 10 команде участвоватлен, тышеч индешыже – Йошкар-Оласе. Конкурсышто кум тур лийын, кажныштыже – 12 йодыш.
Икымше верыш И.С.Палантай лӱмеш тӱвыра да сымыктыш колледжын командыже лектын, кокымшыш – Марий чодыра озанлык техникумын, кумшыш – Марий радиомеханический техникумын.
Ынде сеҥыше команде Юл кундем федеральный округысо «Мо? Кушто? Кунам?» интеллектуал модышыш кая.
ШУКЫРАК ФОТОМ ОНЧЫЗА — https://vk.com/album-27568684_289485031