ТАЗАЛЫК
- Медитаций капым луштара, тунам эркынрак шӱледа да шӱмат чот ок кыре. Тыгак давленийым волташ да тромб лийын кертме лӱдыкшым чараш полша.
- Гранат сокым йӱза. Тушто улшо антиоксидант ден полифенол атеросклерозлан вияҥаш эрыкым огыт пу, вет тидыже шӱм черым тарватыше ик тӱҥ негызлан шотлалтеш.
- Ешдам пагалыза, аклыза. Ача-ава дене сай кыл шӱм чер деч утарен кертеш.
- Соям кочса. Холестериным шагалемдаш манын, тофу сыр ден соевый немычпурсам шукырак кочкаш тыршыза.
- Суртвольыкым ашныза. Тудо стресс деч утлаш полша, тыгак йӧратыме пий-пырыс дене жапым эртарыме жапыште вӱр давлений 15 процентлан иземеш.
- Тошкалтыш дене коштса. Кечеш икмыняр гана кӱзен волымаш шӱм-вӱргорно системылан чот сайын полша, тыгак кап нелытым кудалтен кертыда.