Марий Элыште шӱкым погымо да экологийым саемдыме шотышто паша умбакыже шукталтеш. Тидын нерген Марий Элым Вуйлатыше Ю.Зайцев Региональный штабын заседанийыштыже каласен.
✅ Тачысе кечылан кундемыштына шӱкшакым 92 технике поген наҥгая. Эше 8 техникым налаш палемдыме. Контейнер площадке ден контейнер-влак пеҥгыдемдыме нормылан келшен толыт.
✅«Водитель ТКО» мобильный приложений дене пашам ыштат. Тудлан кӧра шӱкшакым жапыште наҥгайымым да контейнер площадкым кузе эрыктымым тергаш лиеш. Тидыже лекше нелылыкым писын кораҥдаш полша.
✅Тылеч посна кундемыштына ТКО-м погымо объектым эскераш видеонаблюдений системе сайын вияҥеш. ЙошкарОлаште кум контейнер площадкылаш камерым вераҥдыме, 2025 ий мучаш марте эше лу площадкыште лийшаш.
✅Эше ик кӱлешан ошкыл – ТКО полигонлашке висыше оборудованийым шындыме. Кызытеш тудо 13 кокла гыч 10 полигонышто уло. А шӱкым сортироватлыше кок комплексыш пӱтынек чыла кӱлеш оборудованийым вераҥдыме.
freepik сайт гыч налме сӱрет.