Экологий
Марий Элым вуйлатыше А.Евстифеев ден республикын пӱртӱс поянлык, экологий да йырвелым аралыме министрже А.Киселев «Экологий» нацпроект нерген мутланеныт.
Марий Элыште, нацпроект дене келшышын, шӱкым перерабатыватлыме ныл комплексым чоҥыман, 2024 ий марте кочкышым да моло органический веществам компостыш савыраш полшышо кугу площадкым ыштыман. Эн ончыч куштырам погышо комплекс Курыкмарий районышто лийшаш. Тудым тений Козьмодемьянск ола воктене кызытсе полигон верыште чоҥат. Ондак тыште кугу объект лийме нерген ойленыт, но ола ден районышто 5000 тонн деч шагалрак шӱк погына, сандене сортировкым ыштыше площадкым але мобильный линийым келыштараш палемдыме.