Звенигово район Кокшайск селаште 200 наре еҥ «Марафон зелёных дел» да «Вода России» акцийышке ушнен.
Нуно Юл эҥер серыште шӱкым погеныт. Акцийыш ушнышо-влак пӱртӱс, экологий шотышто ум пален налыныт, чодырасе математикым, чодыраште пожар лӱдыкшыдымылык правилым тунемыныт. Тыгак янлыкын кышажым, кайыкын лӱмжым, пушеҥгын мыняр ияш улмыжым, могай тӱшкаш пурымыжым пален налыныт да моло заданийым шуктеныт.