Лум кайымеке, кундемыштына федеральный корнылам эрыкташ тӱҥалме. Тачысе кечылан 64 кубометр кумдыкышто шӱкым погымо.
Ты пашам «Волго-Вятскуправтодор» ФКУ-н управленийышкыже пурышо федеральный корнылаште шуктат. Трассе-влак коклам ойырышо полосалаште, корно тӱрыштӧ, тайылыште, каныме площадкыште шӱкым погат. Подрядный организацийын пашаеҥже-влак корно знакым, катафотым, авыртыш печым, информациян щитым, йолешке-влакын вончымо верым, автобус остановкым, йӱк-йӱан деч аралыме экран-влакым эрыктат да мушкыт. Тыгак корно пашам шуктышо организаций-влакын техникыштым тӧрлат, уэмдат.
Кажне ийын 10 корно пашаеҥ 6 технике дене тыгай пашам шукта.