Кызыт Йошкар-Олаште Марий Эл Республикын Калык-влакын келшымаш пӧртыштышт (Ленин проспект, 26Б пӧрт) «Колесо дружбы» ончерым аклаш йӧн уло.
Тушто Татарстанысе Алабуго тоштер-заповедникыште 2006 ий годсек ончыкталтше кызытсе сымыктышын тӱнямбалысе художественный проектшын 100 утла эн сай произведенийже ончыкталтеш. Волгыдо тӱсан, ойыртемалтше паша-шамычым тӱрлӧ технике дене сӱретлыме. Нуно калык-влакын йӱлаштым, тӱвыраштым, фольклорыштым почын пуат. Сандене тушто ятыр образым ужаш лиеш.