Марий Элысе «Движение Первых» толкын «Письмо в госпиталь» акцийым увертарен.
Элым аралыше-влакын кечышт вашеш серыш-влакым Н.Н.Бурденко лӱмеш тӱҥ военный клинический госпитальыште эмлалтше боец-влаклан колтат. Поро тыланымашан шомак эмлалтше-влаклан кызыт пеш кӱлешан, маныт.
20 февраль марте серышым Йошкар-Олаште йоча да самырык-влакын усталык полатыштын вахтыштыже (Йошкар-Ола, Пушкин урем, 32-шо пӧрт) погат.