Шернур район Лажъял кыдалаш школышто «Салтаклан серыш» акций лийын. 5-11-ше класслаште тунемше ӱдыр-рвезе-влак СВО-н участникше-влаклан серышым возеныт.
Акцийын тӱҥ цельже: йоча-влакым военно-патриотический шӱлышеш кушташ да салтак-влаклан неле-йӧсым сеҥаш полшаш. Серышыште йоча-влак шкешт, школ илыш, ончыкылык шонымашышт нерген возеныт. Нуно поро шомакым ойленыт, неле-йӧсым чытен, палемдыме задаче-влакым шуктен, мӧҥгӧ илыше пӧртылаш тыланеныт.