«Серышым» колтедат

Налог шотышто федеральный службын Марий Элысе управленийже погылан, мландылан да транспортлан 2021 ийлан налогым тӱлаш уведомленийым колташ тӱҥалын. Налогым тӱлышӧ еҥын интернетыште личный кабинетше уло гын, серыш тушко мия. Уведомленийым налаш манын, налог органыш але Шуко функциян рӱдерыш каяш лиеш. Налог шотышто льгото уло але налогын кугытшо 100 теҥге деч шагал гын, уведомленийым огыт колто.

Налогым 1 декабрь марте тӱлен шуктыман.