Кундемышкына Марий Эл деч РФ-н сенаторжо Сергей Мартынов толын коштын, Марий Турек районышто лийын.
Тудо кундемыштына частичный мобилизацийын кузе эртымыжым терген. Призывник-влаклан мобилизаций нерген умылтарымым, медицине шотышто тергымашым, отсрочко нерген палдарымым сайлан шотлен. Мобилизованный еҥ-влак да нунын ешышт кӱлеш правовой да социальный полышым налыт. Тылеч посна ты кундемын гуманитар полышым шуктымыштым кӱкшын аклен.