Россий калык фронтын активистше-влак Семёновка селаште илыше-влак дене Йоча-влакым аралыме тӱнямбал кечым палемденыт. Мер пашаеҥ-влак Молодёжный уремысе 7а, 7б, 7в номеран пӧртлаште илыше йоча-влаклан пайремым эртареныт.
Асфальтыште сӱретлыме конкурслан, весела стартлан, баскетбол оҥгыш мечым кышкыме да моло модыш-влаклан икшыве-шамыч куаненыт.
Профилактике мутланымаш деч посна вашлиймаш эртен огыл. Оласе корно правилым эскерыше инспекций пашаеҥ-влак корнышто шкем чын кучымо нерген каласкаленыт.
Пайрем мучаште йоча-влак шере пӧлекым налыныт, а конкурслаште сеҥыше-влак – шерге призым.