Тиде кечылаште Российысе Йоча да самырык-влакын мер толкыныштын эртарыме «Лӱдыкшыдымылык школ» конкурсым иктешлыме.
Чылаже тений 26 тӱрлӧ номинацийыште вич тӱрлӧ ийготан-влак коклаште 160 конкурсантым палемдыме. Йошкар-Оласе кадет толкынын лидерже-влакат сеҥыше радамыш лектыныт.
Йошкар-Оласе 24-ше №-ан школын «Защитник» мобильный отрядше «Лучший мобильный отряд «Школа безопасности» в сфере воспитания культуры безопасности и чрезвычайных ситуаций» номинацийыште 1-ше верым налын.