5 – 9 январьыште Озаҥыште самырык-шамычлан СМИ ден киностудий-влакын «Волжские встречи – 33» тӱнямбал фестивальышт эртаралтын. Тушко Российын 33 регионжо гыч 500 наре самырык медиаеҥ ден 60 студий ушненыт.
Участник-влаклан тӱрлӧ тренингым, мастер-классым, уш-акылым пудыратыше викториным эртареныт. «Народный проект» да «Новое детское кино» номинацийлаште Йошкар-Оласе «Кадр» студий сеҥышыш лектын. Паша-влакым М.Куклина, Е.Авдеева, Е.Соловьева ямдыленыт. Нуно Йошкар-Оласе самырык да йоча-влакын технический мастарлыкыштым нӧлтымӧ рӱдерыште шинчымашым шуарат. Сеҥыше-влакым диплом да пӧлек-влак дене палемденыт.