22-24 мартыште Нижний Новгородысо Козьма Минин лӱмеш кугыжаныш педуниверситетыште педагогике дене «Форсайт-педагогика» IV всероссийский олимпиаде лийын.
Тушко элна гыч 26 команде ушнен. Марий Элын чапшым МарГУ-н историй да филологий факультетыштыже тунемше Е.Белянина, йот йылме-влак факультет гыч А.Роженцова, общий да профессиональный образований факультет гыч Т.Замятина, Н.Лебедева да П.Матвеева араленыт.
Студент-влак командный кум конкурсышто 2-шо верым налыныт. Тыгак педагогический батллаште 2-шо да 3-шо верым суленыт. Т.Замятина кроссвордым палыме дене кокымшо лийын, Н.Лебедева внеурочный мероприятий дене кумшо верыш лектын.