Э.Сапаев лӱмеш опер да балет марий кугыжаныш академический театрыште Марий Эл Республикым ыштымылан 105 ий темме да Калык-влакын икоян улмо кечылан пӧлеклалтше пайремым эртареныт.
Марий Элым Вуйлатыше Юрий Зайцев республикыште илыше-влакым саламлен да палемден: республикын лӱмгечыже вашеш ятыр сеҥымашке шумо. Нацпроект-влаклан кӧра самырык театрым да Волжск олаште «Родина» кинотеатрым уэмден пытарыме. Школ ден йочасад-влакым олмыктымо, корно ден общественный кумдыклам шотыш кондымо. Образовательно-производственный кластер-влакым ыштыме, аэропорт терминалым чоҥымо да взлётно-посадочный полосам уэмдыме паша кая, школ ден медучреждений-влакым чоҥат.
Мероприятийыш РФ Федеральный Собранийын Федераций Совет Председательжын алмаштышыже К.Косачев, Федераций Советысе Обороно да лӱдыкшыдымылык комитет Председательын икымше алмаштышыже С.Мартынов, Марий Эл Республикысе Кугыжаныш Погын Председатель М.Васютин толыныт.
Пайрем годым Марий Элыште илыше да кугу кӱкшытыш шушо еҥ-влаклан: СВО участник, туныктышо, врач, ялозанлык да тӱвыра пашаеҥ, лӱдыкшыдымылык аланыште тыршыше-шамычлан – кугыжаныш наградым кучыктеныт.
Марий Элым Вуйлатышын пресс-службыжын колтымо фотожо.