Специальный военный операцийыште участвоватлыше землякна-влаклан черетан гуманитарный полышым колтымо. Тудым Марий Элысе Калык фронт «Всё для Победы» проект почеш поген.
Салтак-шамычлан ик арня жапыште тӱрлӧ сатум чумырымо. Ты сомылым виктарымаште Калык фронт штабын ӱшанле еҥже, предприниматель Егор Широковын надыржым палемдыман. Боец-влакын йодмышт почеш кольмым, товарым, пудам, баллонышто газым, пассатижым, фонарикым, отвёрткым, изолентым, пожарный карабиным, полиэтилен пакетым да молымат наледыме.