Интервью годым журналист ден газет лаштыкын черетан геройжо ӱстел коклаште веле кутыралтен шинчат, шонеда? Уке шол! Еҥын жапшым шолыштшо лияш огыл манын, чӱчкыдын мыланна геройын илыш радамышкыжак пураш логалеш. Тыге гына возымо еҥ нерген шукырак пален налат, пашажым, кумылжым шижат…
Дзюдо дене СССР спорт мастер, самбо дене спорт мастерыш кандидат Виталий Александрович Трифонов дене вашлиймашна Медведево посёлкысо «Витязь» физкультур да тазалыкым пеҥгыдемдыме комплексыштетӱҥале. Тудо тыште тренерлан пашам ышта. Икмыняр мутым вашталтымеке, тренер мыйым да тыште погынышо йоча-влакым уремыш ӱжӧ. Радамын рыҥ шогалын, вашла вуйым савалтен (тыге ыштат дзюдоист-шамыч), «озан» мутшым шукташ ямдылалтна. «Стадион йыр – куд гана! Кокымшо йыр деч вара чарак (препятствий)-влакым эрташ!» – кӱштыш Виталий Александрович. Мыят йоча-влак почеш, вараш кодаш огыл манын куржын колтышым… Тыге дзюдо да тренер сомыл нерген возымо пашам тӱҥале.
(Умбакыже 4-ше июньышто лекше номерыште лудса)
Тренировко гыч ужашым видеошто ончен кертыда: