Сеҥымаш кече вашеш 8 майыште Йошкар-Олаште, Э.Сапаев лӱмеш опер да балет академический театрыште, пайрем концерт эртен. Тудым «МЭТР» телеканал Интернет гоч «вияш эфирыште» ончыктен.
Концерт тӱҥалтыште калыкым Сеҥымаш кече дене Марий Эл Республик вуйлатыше А.Евстифеев саламлен. Театрын да Йоча духовой оркестрын шоктымышт почеш Марий йоча хор сар дене кылдалтше кумдан палыме да марий автор-влакын мурыштым мурен.
Кокымшо ужашыште В.Гаврилинын «Письма с фронта» балетше ончыкталтын.
Произведений-влак коклаште Андрей Эшпайын, Константин Листовын, Ян Френкельын военный темылан мурышт гыч ужаш-влак йоҥгеныт.
Эдуард Иманаев