Кугу Отечественный сарын пагалыме ветеранже, тылын труженикше да сарын икшывыже-влак! Марий Элыште илыше пагалыме еҥ-влак!
Кугыжаныш Погын да шке лӱмем дене элнан тӱҥ пайремже – Сеҥымаш кече – дене саламлем!
Мондалтдыме 1945 ий 9 майысе событийла деч мемнам 80 ий ойыра. Кугу Отечественный сарысе пагыт мыняр тораште кодеш, шуко национальностян калыкнан осал тушманым сеҥымаште да фашизмын осалланымышт деч тӱням утарымаште геройло подвигше тунар тичмашын да волгыдын почылтеш.
Фронтлаште салтак ден офицер-шамычын патырлыкышт, тылыште тынысле калыкын тыршымыже, лишыл еҥым йомдарыше еш-влакын ойгышт, концлагерьлашке логалше-влакын индыралтмышт – чыла тидым нигузе мондаш ок лий. Мемнан шнуй порысна – ХХ курымын кугу ойгыж нерген чын историйым аралаш, тудым да совет салтак-сеҥышын подвигшым шке тукымлан каласкалаш.
Военный жапысе летописьыш шӧртньӧ буква дене возымо лӱман герой-влак коклаште – Марий кундемын тӱжем дене шочшыжо.
Пагалыме ветеран-шамыч! Те нигӧ деч сайын сарын шучко улмыжым паледа. Таче, кунам нацизм угыч вуйжым нӧлталаш тоштын, специальный военный операций зонышто Российым аралаш шогалше салтак-влаклан Те пример улыда, поснак Шочмо эллан ӱшанле улмыда, кӧргӧ вийда, пеҥгыдылыкда да сай койыш-шоктышда дене.
Тиде волгыдо 9 Май пайрем кечын ме эрыкан мландыште пиалан илышым пӧлеклыше еҥ-влак, колышо да илыше-шамыч, ончылно вуйнам савена.
Уло кумылын чылалан пеҥгыде тазалыкым, пиалым, улан илышым, тыныслыкым да порылыкым тыланем! Сеҥымаш кече дене!
М.З.Васютин, Марий Эл Республикын Кугыжаныш Погынжын Председательже.