Кугу Отечественный сарын пагалыме ветеранже, тулык вате да тылын труженикше-влак! Марий Элыште илыше пагалыме еҥ-влак!
Уло шӱм-чон дене саламлем тендам кугу пайрем – Сеҥымаш кече – дене!
Тиде пайрем Российыште илыше кажне еҥлан лишыл. Тушто мемнан ойгына, фронтовик, тыловик да элнан зависитлалтдымыже, фашизм деч тӱням утарыме верч шогышо чыла еҥ верч кугешнымашна улыт.
Кугу Отечественный сарыш Марий Эл гыч 142 тӱжем еҥ каен. Ме нунын подвигыштым эре шарнаш тӱҥалына. Совет Ушем Герой кугу лӱмым республикыштына шочшо 53 еҥлан пуымо, нунын патырлыкышт – чыла тукымлан пример.
Россий Президент Владимир Путин 2025 ийым Ачамландым аралышын идалыкше семын увертарен. Тидыже историй дене кылдалтын да тӱрлӧ пагытысе кылым пеҥгыдемда, элнан геройло эртыкшым да кызытсе жапшым чапландарыме йӱлажым шуя.
Таче, кузе 80 ий ондакат, мемнан салтак-влак Шочмо эл верч кредалыт. Специальный военный операций зонышто нуно шке кочаштым да кугезе кочаштын пашаштым шуят: тӱням нацизм деч аралат, историйысе чын верч шогат. Нунын пеҥгыдылыкышт да героизмышт пагалымашым шочыктат.
Пагалыме ветеран-влак! Сеҥымашлан, тыныс кавалан, шочмо мландыште илаш да пашам ышташ йӧным пуымыланда тыланда вуйнам савена.
Ты кугу кечын республикыште илыше чыла еҥлан пеҥгыде тазалыкым, пиалым да улан илышым тыланем. Тек геройна-влакын подвигышт нерген шарнымаш эрелан шӱмыштына кодеш.
Пайрем дене! Сеҥымаш кече дене!
Ю.В.Зайцев, Марий Элым Вуйлатыше.