29 апрельыште «Сеҥымаш диктант» акций лиеш. Тудым «Единый Россий» партий кумшо гана эртара.
Диктантым ончычсо семынак очно да онлайн йӧн дене диктантпобеды.рф сайтыште возаш лиеш. Акцийыш Российын чыла регионжо да вес элла гычат ушнен кертыт.
Участник-влак 25 заданийым ыштышаш улыт: 20 йодыш военно-исторический, а визыт – регионысо тематике-влак дене. Организатор-влак чылаже 12000 площадкым ышташ шонат.