25 апрельыште 11 шагатлан Россий мучко регионысо площадкылаште «Сеҥымаш Диктант» тӱнямбал исторический акций эрташ тӱҥалеш.
Йошкар-Олаште ик очный площадке С.Г.Чавайн лӱмеш Национальный книгагудо лиеш. Диктантым тыгак диктантпобеды.рф сайтыште онлайн возаш лиеш.
45 минут жапыште участник-влак 25 йодышлан вашештышаш улыт: мутлан, кодымо мут-влакым текстыште шындаш, сарлан пӧлеклалтше поэмын авторжым, произведенийын ужашыже негызеш олам, событийым але военный действийын участникшым каласаш. Южо йодыш Кугу Ачамланде сарлан пӧлеклалтше художественный фильм да монумент-влак дене кылдалтын.
Дистанционно ушнышо-влаклан акцийын официальный сайтыштыже регистрацийым эртыман. Тыгай йӧн дене пайдаланыше-влак шке результатыштым писын пален налын кертыт. Тыгак нуно диктантыште сеҥымылан да участвоватлымылан дипломым шке качатлен налын кертыт. «Сеҥымаш Диктантыш» чолган ушнымылан баллым поген да организатор-влак деч пӧлекым налын сеҥат.
диктантпобеды.рф порталыште савыктыме тренировочный тест-влак диктантлан ямдылалташ полшат.