17-19 мартыште Пермьыште X Российысе телымсе ялысе модмаш эртаралтын.
Тудо «Спорт – норма жизни» федеральный проектыш пура. Ты модмашке Марий Элыште ялысе модмаште эн ойыртемалтше 17 спортсмен миен. Нуно шахмат, шашке, полиатлон, ече дене куржталмаш тӱшкалаште таҥасеныт. Тыгак тыште механизатор, доярке-шамыч да спорт дене кылым кучышо еш-влак шке вийыштым тергеныт. Марий Элысе команде 250 тӱжем деч шагалрак еҥан илемла коклаште 1-ше верым налын. Участник-влак У Торъял, Советский, Медведево да Кужэҥер районла гыч лийыныт. Тичмаш зачётышто Марий Элын чапшым аралыше-влак Российысе 44 регион коклаште 15-ше верыш лектыныт.
Интернет гыч налме фото.