Марий кугыжаныш университетын студенткыже, Россий спорт мастер Мария Петухова четырёхборье дисциплиныште полиатлон дене юниор-влак коклаште Тӱнямбал чемпионатыште сеҥышыш лектын.
Россий первенствыште сай результатым ончыктымеке, тудо полиатлон дене Российын сборныйын составыштыже Беларусь элысе Могилёв олаште 15-18 апрельыште эртаралтше таҥасымашыш миен.
Кум кече жапыште спортсмен-влак 60 метрым куржмаште, 100 метрым иймаште, пулевой лӱйкалымаште да чытымашым тергыме куржталмаште таҥасеныт.