27-28 апрельыште Саратовысо кугыжаныш юридический академийыште «Юридическая наука и правоприменение: взгляд молодых учёных!» молодёжный юридический форум эртен.
Тушко МарГУ-н историй да филологий факультетыштыже 4-ше курсышто тунемше Инна Гаранина миен да Гран-прим сеҥен налын.
– Форум кок кече шуйнен. Икымше кечынже пленарный заседаний лийын. Праван тӱрлӧ отрасльже дене кылдалтше дискуссий площадке-влак пашам ыштеныт. Тыгак ме Саратовысо кугыжаныш юракадемийын ректоржо Екатерина Ильгова дене вашлийынна. Ты академийыште студент-влак чолга улыт. Форумыш толшо-влаклан нуно оҥай спектакльым ончыктышт. А кокымшо кечын квиз, кейс-чемпионат, таҥасымаш лийыныт.
Форумын площадкыже-влак опытым вашла пайлаш, самырык учёный, юрист-влак дене палыме лияш полшат.
Тыгай мероприятийыш коштын, ончыко каяш, у кӱкшытыш шуаш кумыл лектеш, – мане И.Гаранина.