Сбор лийын

Интернет гыч налме фото.

9-13 октябрьыште Волгатехыште «Служу отчизне» военно-патриотический сбор эртаралтын. Тудо Росмолодёжьын грантшым илышыш пуртымо дене ышталтын.

Тушко 1-2 курсышто тунемше 120 студент погынен. Сбор годым Кугу Отечественный да боевой действийын ветеранже-влак дене вашлиймаш лийын, военно-исторический фильмлам ончыктеныт, капкылым пеҥгыдемдыме, тактический, огневой, медицине да тулеч моло занятий-влакым эртарыме.