Интернет-кевытын сатум пуымо Йошкар-Оласе ик пунктшо гыч куд тӱжем теҥгеаш сатум шолыштыныт, палдара Марий Элысе МВД.
Интернет-кевыт менеджержын каласкалымыж почеш, пӧръеҥ заказатлыме икмыняр сатужым пӧртылтем манын ойлен, а молыжым: кроссовкым, толстовкым, шуруповёртым да распираторым – шкеж дене пырля толшо йолташыжын пакетлашкыже пыштен. Оксам тӱлаш саде йолташыже кодын, но картыж дене тидым ыштен кертын огыл. Тиде жапыште пӧръеҥ шолыштмо сатуж дене шылын шуктен.
Полиций пашаеҥ-влак осал пашам ыштен кертшым кученыт. Йошкар-Олаште илыше 21 ияш самырык еҥ тылеч ончычат судитлыме лийын. Шолыштмо сатулан оксам пӧртылтен.